تاند(شنبه، د حوت ۹) د بشر حقونو خپلواک کمیسیون ویلي، چارواکو د وژل شوي خبریال بسم الله عادل د کورنۍ د غړو په ساتنه کې بې غوري کړې.
د بشر حقونو خپلواک کمېسیون له چارواکو غوښتي، چې د وژل شوي خبریال بسم الله عادل د کورنۍ د دریو غړو د وژل کېدو په تړاو وضاحت ورکړي.
د دغه کمېسیون مشرې «شهزاد اکبر» رسنیو ته ویلي، چې امنیتي ځواکونه باید دا په ډاګه کړي چې د بسم الله عادل کورنۍ ته له ګواښه څومره خبر وه.
شهزاد اکبر پر خپله ټویټر پاڼه پوښتلي، چې امنیتي ځواکونو د بسم الله عادل د کورنۍ لپاره څه کړي او حالات ولې دومره ترینګلي شي چې د افغانانو د پرلپسې قربانۍ لامل شي؟
وړمه شپه نامعلومو وسلهوالو د افغان خبریال بسم الله عادل چې د جنوري په لومړیو کې په غور کې ووژل شو، د کورنۍ درې غړي ووژل او پنځه نور یې ټپیان کړل.
د نوموړي او د کورنۍ د غړو د وژنې مسوولیت هم تراوسه کوم چا په غاړه نه دی اخیستی او دغه راز افغان دولت هم تراوسه د عادل د قاتلینو په نیولو کې پاتې راغلي دي.
زما یو عرض دی که لطف وکړئ له متن نه نسبتي دال مه لیرې کوئ متن ډېر بدرنګوي. مننه