تاند (چهارشنبه، د حوت ۶) د ننګرهار ولايت شات په دوبۍ کې نړيوال نندراتون کې نندارې ته ايښودل شوي و.
مسوولان وایي دې شاتو د اصلي کيفيت له امله نړيوال بازار ته لار ومونده او له دې وروسته به بهرنيو هېوادونو ته هم صادر شي.
د مسوولانو په خبره په دې ولایت کې د شاتو تولید په دې وروستیو کې ډېر شوی او تولیدونکي یې هم هڅه کوي چې ورځ بلې ته تولید ډېر شي.
بل لورته د شاتو د مچیو روزونکي هم خوښ دي چې، د دوی په لاس تولید شوي شات نړیوالو نندارتونونو کې نندارې ته اېښودل شوي.
دوی وایي که تولید ته یې د نړیوال بازار غمه وشي نو هم به ګټه وکړي او هم به په ښه کیفیت څو ډوله شات بازار ته وړاندې کړي.
د دې ولایت شات په هېواد دننه هم ډېر مینه وال لري.
د یادونې ده چې له دې وړاندې په دې ولایت کې د شاتو د مچیو روزونکو د بازار د نشتون په برخه کې ډېر شکایتونه لرل خو اوس وایي ستونزو ته یې یوڅه رسیدنه شوې ده.