تاند ( پنج شنبه، د دلوې ۳۰) کونړ ولایت کې ناپېژاندو وسله والو یو طالب قومندان او د هغه دوه لورګانې په خپل کور کې وژلي دي.
د کونړ امنیه قومندانۍ ویاند فرید دهقان وايي چې دا پېښه تېره شپه د کونړ چپې درې ولسوالۍ اړوند سیدور سیمه کې رامنځته شوې ده.
دهقان زیاتوي چې په یاده پېښه کې د شاهین په نوم د طالبانو قومندان او د هغه دوه کوچنۍ لورګانې په خپل کور کې وژل شوي دي.
بل لورته د وسله والو طالبانو ویاند ذبیح الله مجاهد بیا په خپل ټوېټرلیکلي چې وژل شوی کس عام وګړی دی او د وژلو پړه یې پر افغان ځواکونو اچولې.
د یادونې ده چې په دې وروستیو کې په ټول هېواد کې تر بل هر وخت جګړې زور اخیستی.
که څه هم عام افغانان او افغان حکومت له وسله والو طالبانو د اوربند غوښتنه کوي خو طالبانو بیا په وار وار دا غوښتنه رد کړې ده.
وړې لڼونی یی ځکه وژلی چی هغوی قاتل پیژنده ځکه نو قاتل هغوی هم شهیدانی کړی. دا یوه شخصی معضله ده نه سیاسی که یی د طالب قوماندان وژلی وی او که عام وګړی.