تاند ( شنبه، د دلوې ۲۵) د افغانستان چټک توپ اچونکى نوين الحق د انګلستان په ويټاليټي بلاسټ سياليو کې د ليسټرشاير لوبډلې واخیسته.
یادې لوبډلې به خپله وېب پاڼه لیکلي چې د ٢٠٢١ کال په ويټاليټي بلاسټ سياليو کې به د افغانستان نوين الحق هم له دوی سره ولوبېږي.
سرچینې لیکلي چې نوموړي په کارابين پريمئير ليګ او ټي ١٠ ليګ کې ښه توپ اچونه ترسره کړه او همدا راز د اى پي ايل بولۍ ته هم وړاندې کېږي.
د آی پي اېل بولي د فبرورۍ په ١٨مه نېټه ترسره کېږي.
یادې لوبډلې په خپله وېبپاڼه کې د نوين الحق د توپ اچونې ستاينه کړې او ويلي يې دي چې نوموړى په هر ډول سختو حالاتو کې توپ اچونه کولاى شي.
په ورته مهال نوين الحق هم ویلي چې د هغه لپاره دا ډېر د خوښۍ ځاى دى، چې د ليسټرشاير لوبډلې سره ولوبېږي او د دوى د ځلېدو سبب وګرځي.