تاند (جمعه، د دلوې ۲۴) د ننګرهار والي ضیاء الحق امرخېل وایي د خوږياڼو ولسوالۍ زاوې سيمه کې د تيرې شپې راهيسې د هوايي بريدونو او کمينونو په پايله کې ۳۱ طالبان وژل شوي دي.
امرخېل زیاتوي چې د وژل شویو طالبانو جسدونه هم په سيمه کې پاتې دي.
نوموړي دغه راز په خپل ټوېټر لیکلي چې د شيرزادو ولسوالۍ په مربوطاتو کې ۶ نور طالبان هم وژل شوي چې وسلې او مهمات يې له منځه وړل شوي دي.
بل لورته د وسله والو طالبانو ویاند ذبیح الله مجاهد ویلي چې په شیرزادو ولسوالۍ کندۍ سیمه کې يې پر افغان ځواکونو برید کې لسګونه افغان سرتېرو ته مرګ ژوبله اړولې ده.
د یادونې ده چې له تېرو څو اونیو راهیسې په شېرزادو ولسوالۍ کې د افغان ځواکونو عملیات دوام لري.
بل لورته ځایي اوسېدونکي بیا وايي اوس هم په یاده سیمه کې د طالبانو او افغان ځواکونو ترمنځ جګړه روانه ده.