تاند (پنجشنبه د دلوې ۲۳) د افغانستان لپاره د اروپايي ټولنې استازي رولانډ کوبیا د طالبانو له مرکچي پلاوي غوښتي، چې بېرته د بین الافغاني مذاکراتو مېز ته راوګرځي.
ښاغلي کوبیا پر خپل ټوېټر لیکلي، د سولې راتګ او د افغانستان د خلکو ارزوګانې د مذاکراتو له لارې د افغانانو سره امکان لري.
نوموړي د طالبانو د سیاسي دفتر پلاوي وروستیو سفرونو ته په اشارې ویلي چې باندنیو هېوادونو ته سفرونه نه شي کولی بشپړ حاکمیت تر لاسه کړي او دغه راز د بهرنیو له نفوذ څخه څه کم کړي.
Fully agree Ambassador. Peace will be made in negotiating at the table with Afghans, finding Afghan solutions in the interest of the Afghan people. Touring foreign countries will not help regain the long-awaited full sovereignty & reduce foreign influence. #AfghanPeaceProcess ? https://t.co/FLNdtRk1A4
— Roland Kobia (@RolandKobia) February 10, 2021
تر دې وړاندې د ملي روغې جوړې عالي شورا مشر عبدالله عبدالله هم په خپلو خبرو کې ویلي چې د سیمې هېوادونو ته د طالب پلاوي سفرونه د افغانستان ستونزه نه شي حل کولی او په خبره یې طالبان باید له پټو خبرو تېر شي او د مذاکراتو مېز ته کېني.
اخوا بیا په په افغانستان کې د ایران پخواني سفیر محمد رضا بهرامي هم پر خپل ټوېټر لیکلي، که طلبان غواړي ثابته کړي چې له تېر سره یې توپیر کړی او په رښتیا سولې ته ژمن وي، باید د خبرو میز ته کېني او جګړه ودوري.
It is only by returning to the negotiating table and disavowing aggression and belligerence that the Taliban can prove they have distanced themselves from their past and are in fact committed to a political settlement
— Mohammad Reza Bahrami (@Bahrami1962) February 10, 2021
د یادونې وړ ده چې له شاوخوا یوې میاشتې راپدېخوا په دوحه کې د بین الافغاني مذاکراتو دویم پړاو پیل شوی خو ویل کېږي چې طالبانو د مذاکراتو مېز پریښی او د سیمې هېوادونو ته یې سفرونه پیل کړي دي.