تاند ( جمعه، د دلوې ۱۷) ايا په نړۍ کې د ځانګړو الوتکو په اړه مالومات لرۍ؟ که يې نه لرۍ نو په دې مطلب کې کې مو د يوې داسې الوتکې په اړه مالومات درته راټول کړي چې خورا جالب دي.
د روسیې ولسمشر ولاديمیر پوتین ځانګړې الوتکه IL-96-300PU jet نومېږي چې له عادي الوتکو سره خورا توپير لري.
د دې الوتکې توپير له نورو سره په دې کې دی چې ډېر صور لري او دننه برخه يې په ښکلي نيو کلاسيک ډيزاين جوړ شوې ده.
د دې الوتکې په داخل کې پر کنفرانس خونې، د خوب اتاقونو، پخلنځي، د ټلوېزيون کتلو خونې، د ورزش سالون، دفتر او حمامونو سربېره نورې ډېرې اسانتیاوې هم موجودې دي.
مهمه او جالبه په کې دا ده چې ډېرو لوښو ته یې د سروزرو اوبه ورکړل شوي دي او يا خپله له سرو زرو جوړ شوي دي.
ان د لاس وینځونکي ډېره برخه يې هم له سرو زرو جوړه شوې ده.
د روسېې ولسمشر په دغه الوتکه کې د اړيکو او حفاظت پرمختللي سيستمونه نصب شوي چې په عادي او بېړنيو حالاتو کې ترې استفاده کېدای شي.
د دې ټولو اسانتياوو په لرلو سره د روسيې ولسمشر پوتین دا ځانګړې الوتکه ۵۰۰ ميليونه ډالر ارزښت لري.
دې الوتکې د یو پرواز په ترڅ کې څو میاشتې وړاندې ولاديمير پوتين د امريکا له ولسمشر ډونالډ ټرمپ سره د ليدنې په موخه د فنلېنډ پلازمېنې هېلسنګي په هوايي ډګر کې ښکته کړ