تاند- د جنوبي کوریا هایوندای کمپنۍ وايي، د هوايي ټکسیانو لپاره په نړۍ کې په لومړي ځل برښنايي هوايي ډګر په بریتانیا کې جوړوي.
دا به د نړۍ تر ټولو کوچی هوايي ډګر وي او هوايي ټکسیان، بې پېلوټه الوتکې (ډرون) او دې ته ورته نور الوتونکي موټرونه به ورڅخه کار اخلي.
دا هوايي ډګر د بریتانیا د حکومت په مرسته جوړېږي او هایونډای کمپنۍ هیله لري چې دا هوايي ډګر د ۲۰۲۱ تر پای ته رسېدو مخکې بشپړ او استفادې ته چمتو کړي.
خو تر ۲۰۲۴ پورې به له دې هوايي ډګره یوازې د ازمېښتي یا تجربوي الوتنو لپاره کار اخیستل کېږي.
اټکل کېږي چې تر ۲۰۲۸ پورې به دا ډول ټکسیان یا الوتونکي موټر په بریتانیا کې عام وي.
بریتانیا غواړي چې په هوايي ټکسیانو له یوې خوا د ترانسپورت په برخه کې اسانتیاوې زیاتې او چټکې کړي او له بلې خوا د هوا د ککړتیا کمه کړي ځکه چې دا ټکسیان د تېلو پر ځای په برښنا چلېږي.
د هوايي ټکسي د ناستي د ځای ثُطر به ۴۰ متره وي چې دا تر د عادي هیلي کوپترونو د ناستې تر ځای ۲۰ متره لږ دی. د معمولي څرخکې لپاره د ۶۰ متره قطر دایره پکار ده.
په دې پروژې به یو ملیارد او ۶۴ ملیون ډالره ولګېږي.