تاند ( دوشنبه، د دلوې ۱۳) د کرنې او مالدارۍ وزارت مسوولان وايې په هېواد کې یې د چرګانو روزنې د صنعت د ودې په پار هڅې ګړندۍ کړي.
یاد وزارت وایي چې د دې هڅو په پايله کې يې په دې وروستیو کلونو کې چرګانو روزنه ډېره وده کړې او پر فارمونو یې میلیونونه ډالره پانګونه کړې ده.
د سرچینې د مالوماتو له مخې سږکال د هېواد په بېلابېلو ولایتونو کې د یوشمېر وړو فارمونو ترڅنګ د چرګانو روزنې لوی فارمونه جوړ شوي دي.
سرچینه زیاتوي چې دغه راز د هېواد په کچه د چرګانو روزنې یوزر او ۹۰۰ غیرفعال فارمونو هم بیا فعالیت پيل کړ.
د یاد وزارت په خبره په یوزر او ۹۰۰ بیا فعال شوي فارمونو کې لوی او واړه فارمونه شامل دي.
د یادونې ده چې د کرنیزو پوهانو په خبره افغانستان کې د چرګانو روزنې د فارمونو جوړول لویه لاسته رواړنه ده.
دوی وایي دا به د کارموندنې، اقتصادي پیاوړتیا، ځان بساینې او د اقتصادی ودې او پرمختیا لامل وګرځي.