تاند ( جمعه، د دلوې ۱۰) د رحمان الله ګوربز او روي بوپاره په چټکو منډو د ډيلي بولز لوبډله وتوانېده چې د ٧ ويکټو په توپير د بنګله ټايګرز لوبډله ماته کړي.
دا په روان ټي ټېن لیګ کې درېمه او د ګربز د ټيم لومړۍ بریا وه.
درېيمه لوبه د بنګله ټايګرز او ډيلي بولز لوبډلو ترمنځ ترسره شوه چې لومړیبنګله ټايګرز پچه وګټله او توپوهنه یې وکړه.
بنګله ټايګرز په ټاکلو ١٠ اورونو کې د ٢ لوبغاړو په سوځېدو ١٢٨ منډې وکړې.
د ډيلي بولز لوبډلې ١٢٩ منډو هدف په نهم اور کې پوره او یواځې یې درې لوبغاړي وسوځېدل.
د دوى له لوري رحمن الله ګوربز د ٢ شپږيزو او ۵ څلوريزو په مټ په ۱۵ توپونو ۴۱ تر نورو ډېرې منډې وکړې.
د بنګله ټايګرز له لوري کريم جنت ٢ وسوځول.
د لوبې د غوره لوبغاړي جايزه رحمن الله ګوربز ته ورکړل شوه.
د یادولو ده چې له دې وړاندې په دوهمه لوبه کې د درویش رسولي اړوند پونې لوبډلې د شهزاد اړوند ډکن کلایډېټرز لوبډلې ته په اوو ویکټو ماتې ورکړه.
په دغه لیګ کې پنځلس افغان لوبغاړي اخیستل شوي چې له بیلابیلو لوبډلو سره لوبېږي.