تاند ( سه شنبه، د دلوې ۶) دافغانستان او آیرلینډ کرکټ ملي لوبډلو ترمنځ درېمه یو ورځنۍ لوبه نن ترسره کېږي
په دوهمه لوبه کې د لوبې پچه یا ټاس آیرلینډ لوبډلې وګټله او د توپ وهنې پرېکړه یې وکړه.
په یاده لوبهکې آیرلینډ په ټاکلو پنځوس اورونو کې د ۹ لوبغاړو په سوځېدو ۲۵۹ منډې وکړې او افغان لوبډلې ته یې د ۲۶۰ منډو هدف وټاکه.
مقابل کې افغان لوبډلې ټاکل شوی هدف په ډېرې اسانۍ پوره او لوبه یې د ۷ لوبغاړو په شتون کې وګټله.
د افغان لوبډلې له لوري رحمت شاه او حشمت شهیدي تر ټولو بریالۍ توپوهنه وکړه، رحمت شاه ۱۰۳ او حشمت شهیدي ۸۲ منډې جوړې کړې.
د روانو یو ورځنیو لوبو لړۍ افغان لوبډلې ګټلې ده.
اوس وبه لیدل شي چې درېمه یو ورځنۍ لوبه څوک او څنګه ګټې.
نننۍ لوبې ته هم څو شېبې پاتې دي چې پيل شي.
له دې وړاندې لومړۍ لوبه هم افغان لوبډلې د ۱۶ منډو په توپير ګټلې وه.