( تاند، پنجشنبه د جدي ۲۵) د غور ولایت د ولایتي شورا غړی عزت الله بیک، چې نن له غرمې وروسته د ملي امنیت د ځواکونو لخوا ووژل شو د یاد ولایت د ولایتي شورا د مرستیال عبدالرحمن عطشان او د بسم الله عادل ایماق په نوم د یو ځایي خبریال پر وژلو تورن و.
له غور څخه یو شمیر امنیتي سرچینو رسنیو ته ویلي، چې بیک وروسته له هغی ووژل شو، چې د نوموړي ساتونکو د ملي امنیت د یادې قطعې یو سرتیری وواژه او یو بل یې ټپي کړ.
د ځایي سرچینو په حواله، چې د ملي امنیت ځواکونو د نوموړي د نیولو هڅه کوله، چې د هغه د ساتونکو له مقاومت سره مخ شول.
د غور ولایت د ولایتي شورا مرستیال عبدالرحمن عطشان او د یاد ولایت یو ځایي خبریال عادل ایماق، څه موده وړاندې په دوه جلا ـ جلا پېښو کې ترور شول، چې په تور یې نن د ملي امنیت د ځواکونو له لوري د عزت الله بیک د نیوله هڅه په وسله واله نښته واوښته.
دغه پېښه په داسې حال کې رامنځته کیږي، چې همدا تیره ورځ په بدخشان کې د ولایتي شورا د یو وکیل او د ولسي پاڅون والو د یو قومندان ترمنځ د خپلمنځي ستونزو پر سره کلکه جګړه رامنځ ته شوې وه، چې تلفات هم له ځانه سره لرل.
دا خبره له شک وتلې چې هدفي وژنو کې همداسې وکيلان، زورواکان، او نور دولتي قاتلان چې د دولت د بدنامۍ سبب ګرځي او هم ملت له دولت څخه ورځ تر بلې لرې کوي.
دغه نمکحرامه ډله چې د دولت له دسترخوان څخه يې خوري او بيا د همدې دولت پښې وهي.
ملي ځواکونه بايد نور ويښ شي او داسې لنډغر د نيولوپر ځای نيغ په دې سر وولي.