(تاند، د جدي ۲۰) ټولې هغه کاغذي تذکرې، چې په مرکز او ولسوالیو کې د احصائې او مالوماتو د ملي ادارې له لوري هېوادوالو ته ورکول شوي له دې وروسته تائیدۍ ته اړتیا نلري.
د احصائې او مالوماتو ملي اداره وايي: “د تابعیت کاغذي تذکرې چې د نفوسو د احوال ثبتولو قانون د احکامو له مخې هېوادوالو ته صادرې شوي، د اعتبار وړ او تاییدي ته کومه اړتیا نهلري.”
د دغې ادارې د مالوماتو له مخې، د راتلونکې دوشنبې له ورځې (۲۲ مرغومی ۱۳۹۹) د کاغذي تذکرو د تائیدۍ خدمتونه دروي او له دې وروسته هېڅ ډول تذکره چې د دې ادارې لهلوري صادره شوې وي، تائید کېدو ته اړتیا نلري.
د احصائې او مالوماتو ملي اداره دا تصمیم وروسته له هغې نیسې، چې د دغې ادارې اړوند د تذکرو د تائید په مرکز کې د فساد او بې نظمۍ په اړه د خلکو غبرګونونه راپورته شول.
د ټول هېواد په کچه د الکترونکي تذکرې او پاسپورټ اخیستونکي اړ ول، چې خپله کاغذي تذکره لومړی په خپل ولایت، ولسوالۍ او بیا په پلازمېنه کابل کې د تائید لپاره اړوند ادارې ته ویسې، چې خلکو دغه چاره د ځان لپاره لوی سرخوږی باله.