تاند (سه شنبه د جدي ۹) په قطر کې د افغانستان سفیر عبدالحکیم دلیلي د ورپېښې ناروغۍ له امله وفات شو.
ویل کېږي ښاغلی دلیلي له څه مودې را په دې خوا د زړه په ناروغۍ اخته شوی و او نن سهار یې په روغتون کې ساه ورکړې ده.
عبدالحکیم دلیلي له ۱۳۹۷ل کال راهیسې په قطر هېواد کې د افغانستان د سفیر په توګه دنده تر سره کوله.
د ملي روغې جوړې عالي شورا د نوموړي پر مړینه خواشيني ښودلې او دا یې د افغانستان او افغان سولې پروسې لپاره یوه لویه ضایع بللې ده.
ددې شورا ویاند فریدون خوځون نن سه شنبه پر خپله ټوېټرپاڼه لیکلي چې نوموړی د ورپښې ناروغۍ له امله وفات شوی دی.
متاسفانه افغانستان یکی از بهترین دیپلمات های خود را از دست داد.
عبدالحکیم دلیلی سفیر افغانستان در قطر به اثر مریضی که داشت در گذشت.وفات مرحوم ضایعه بزرگ برای افغانستان و پروسه صلح است.
سفیر دلیلی برای پیش برد و زمینه فراهمکردن برای مذاکرات تلاش های فراوانی متقبل شده بود. pic.twitter.com/BLtqETb4rm— Faraidoon Khwazoon (@Khwazoon) December 29, 2020
افغانستان په ۲۰۰۳ کال کې په قطر کې خپل سفارت پرانیستی او نژدې ۱۸ کاله کېږي، چې په یاد هېواد کې یې خپل سفارت فعال ساتلی دی.
دغه راز قطر هم په ۲۰۱۹ کال کې په افغانستان کې سفارت پرانیستی او د دواړو هېوادونو ډیپلوماټيکې اړیکې د سولې خبرو له کوربتوب سره لا پیاوړې شوي دي.
قطر تل افغان مشرانو ته د افغان سولې پروسې برخه کې د همکارۍ ډاډ ورکړی او په دې برخه کې یې د لا ډېرو همکاریو ژمنه کړې ده.