تاند (دوشنبه د جدي ۱) د کندهار په ارغنداب ولسوالۍ کې د سړک غاړې ماین چاودنې د دوو ماشومانو په ګډون څلور ملکیان وژلي دي.
د کندهار د امنیه قومندانۍ ویاند جمال ناصر بارکزی وايي، دا پېښه نن غرمه شاوخوا ۱۲:۳۰ بجې د ارغنداب ولسوالۍ اړوند بوډای سیمه کې رامنځته شوې ده.
نوموړی وايي، چاودنه د ملکیانو په یوه زرنج شوې چې یاده مرګ ژوبله یې اړولې ده.
دده په خبره په دې پېښه کې د دوو ماشومانو په ګډون څلور ملکیان وژل شوي دي.
چارواکي ادعا کوي چې دغه ماین د طالبانو له لوري ځای پر ځا شوی و، خو طالبانو تر اوسه په دې هکله څه نه دي ویلي.
د یادولو وړ ده چې د څه مودې راپدېخوا د پلازمېنې کابل په ګډون په ډېرو ولایتونو کې د سړک غاړې ماین چاودنې زیاتې شوي چې ډېری قربانیان یې ملکي وګړي دي.