شوکت الله عابد

په ټولنه کې د ټولېز سمون لپاره اړمن یو چې د دولتي سازمانونو، نادولتي سازمانونو، پوهنتونونو، ښوونځیو، جوماتونو، مدني ټولنو او نور علمي، زده کړییزو او فرهنګي سازمانونو موخې په واضیح توګه ټولنې او ټولنوالو ته تعریف او توضیح کړو. همداشان د یادو بنسټونو د فعالیت بڼه او ساحه د انساني او اسلامي ارزښتونو په رعایت او منلو سره تعریف او موخې یې روښانه شي.

زموږ په ټولنه کې په ټولېزه توګه لاندې ستونزي موجودې دي:

– د پوهاوي او زده کړو ټېټه کچه

– جګړه او عدم ثبات

– په سازمانونو او بنسټونو کې ټیټ کاري کفایت او اهلیت

– اداري، مالي، اخلاقي او سیاسي فساد

– جنسي فقر

– اقتصادي ستونزې

– او داسې نورې ستونزي او عوامل شته چې ټولنه یې له خوشبختۍ څخه د بدبختۍ دایرې ته را انتقال کړی ده.

که د پورته ټولو مسایلو په استازیتوب رسنۍ وڅېړو نو د دوی په خپرونو کې د ټولنې د سمون لپاره د محتوا له نظره کیفي پاملرنه نه/بیخي کمه، کیږي.

سندرې، سریالونه، سیاست، لوبې او تفریح د رسنیو اساسي خپرونې دي، چې پر همدې خپرونو کې د ټولنې د سمون لپاره د محتوا او کیفیت له نظره کوم ځانګړي بنسټیز پیغامونه نشته او که لري یې هم، نو د ټولنې د سمون لپاره یې موثریت په نشت حساب دی.

همدارنګه په هر برخه کې اساسي ستونزې شته چې واضح تعریف ته یې اړتیا ده او د یادو ستونزو د عواملو په راسپړلو کې د ټولنې سمون او بدلون لپاره مشخصې حل لارې نغښتې دي.

پایلی:

– لومړی باید موږ خپلې ستونزی ومنو او د تأثیر لرونکو عواملو د څېړلو او د هغو د له منځه وړلو لپاره په ټولېزه بڼه کار او عملي اقدام وکړو.

– دولتي او نادولتي بنسټونه دې خپل فعالیت د ټولنې د عیني واقعیتونو پر بنیاد عیار او د فعالیت بڼه دې په واضح ډول تعریف او ساده کړي.

– د فساد پر ضد هر اړخېزې او د یوه مشخص ادرس له لارې قاطع مبارزې ته اړتیا ده.

په سازمانونو او د دولت په کچه د څارنې قوي او موثرې چرخې او مکانیزم ته اړتیا ده. دلته د دولتي او غیردولتي بنسټونو تر ډیره پر دې معقولې چې، {تو من را ملا بگو، من شما را حاجي میگویم} څرخیږي.

– د ښوونځیو، پوهنتونونو او جوماتونو استادان او علمان د ټولنې او د ځوانانو د اصلاح مسؤليت لري، په اړوندو مرکزونو کې دې د اصلاح تبلیغ او ترغیب وکړي، خرفات او د هغې زیانونه دې تشریح او توضیح شي، د ځوانانو د انحرافاتو د فردي او ټولنېزو زیانونو په اړه دې علمي، عملي او مشخصې برنامې مطرح او پلي شي.

– په سازمانو کې دې حداقل د تشریفاتو په کچه پروګرامونه په عملي بڼه پلي شي.

– د پورته وړاندېزونو ترڅنګ دې ټول هغه عوامل او فکتورونو په نظر کې ونیول شي چې د ټولېز ټولنېز سمون او بدلون لپاره اغېزمن وي.)