تاند (یکشنبه د قوس ۳۰) پولیسو په ولسي جرګه کې د کابل د خلکو د استازي الله ګل مجاهد زوی او ساتونکی یې له یو بې پلېټه زرهې موټر او یو میل بې جوازه کلاشینکوف سره نیولی دی.
د کابل ښار د دوولسمې حوزې امر اجمل احمدزي رسنیو ته ویلي، یاد کسان تېره ورځ هغه مهال د کابل ښار د دوولسمې ناحیې اړوند سیمه کې نیول شوي چې د تلاشۍ پر مهال یې غوښتل په پولیسو ډزې وکړي.
د نوموړي په خبره پولیسو له نیول شویو کسانو د اسنادو پوښتنه کړې وه او ترې غوښتې یې و چې د موټر تورې ښيښې یې سپینې کړي.
هغه وايي، دې کسانو د پولیسو له پوښتنې او د تورو ښيښو د سپینولو له خبرې سم کلاشینکوف ته مرمۍ تېره کړې وه چې وروسته پولیسو ونیول.
اجمل احمدزی زیاتوي په موټر کې درې کسان و چې یو یې په تېښته بریالی شوی او دوه نور یې د کابل امنیې قومندانۍ ته د څېړنو په موخه سپارل شوي دي.
تر اوسه پخپله علی ګل مجاهد ددې موضوع په اړه څه نه دي ویلي.
د یادونې وړ ده چې تر دې وړاندې د ولسمشر لومړي مرستیال امرالله صالح هم د شپږنیمو بجو په امنیتي ناسته کې ویلي و چې د الله ګل مجاهد اړوند یوه کس له کوره پولیسو وسلې نیولي دي.
چیرته چه غله لوټماران او دقانون نه سرغړونکی دی دمجاهدینو اولاده ده.ځکه چه په حرامو پیسو رالوی شوی دی
لطفًا د هر مجاهد نوم ددي غلو سره مه باده وه