تاند(سه شنبه، د قوس ۲۵) د کندهار امنیتي چارواکي وایي، د دغه ښار د دویمې امنیتي حوزې اړوند سیمه کې نامعلومو وسلهوالو یو څارنوال په ډزو وژلی دی.
د کندهار د امنیه قوماندانۍ ویاند جمال ناصر بارکزي رسنیو ته وویل، دا پیښه نن ۱۰:۰۰ بجې د کندهار ښار په مرکز کې رامنځته شوه.
نوموړي زیاته کړه، دغه څارنوال د محمد نبي په نامه د کندهار ښار دویمې امنیتي حوزې اړوند سیمو کې د ناپیژانده کسانو لخوا ووژل شو او په وینا یې وسلهوال د سیمې له ځایه په تېښته بریالي شوي دي.
د یاد ولایت امنیه قوماندانې ویاند وویل، دغه کس د کندهار ولایت په ملکي څارنوالۍ کې کار کولو.
دا په داسې حال کې ده چې په یوه ورځ کې په کابل او غور ولایتونو کې د کابل والي مرستیال او د غور ولایتي شورا مرستیال په دوه بیلابیلو پیښو کې د چسپکي ماین چاودنې له امله ووژل شول.