تاند ( سه شنبه، د قوس ۲۵) تېر ماښام په دوهمه نيمه پايلوبه کې د جافنا ډمبوله وايکينګ ته د ٣٧ منډو په توپير ماتې ورکړه.
یادې لوبډلې په دې سره پايلوبې ته لار ومونده.
د دې لوبې پچه وايکينګ وګټله او لومړى يې سټالينز لوبډلې ته د توپوهنې بلنه ورکړه.
جافنا سټالينز په ټاکلو ٢٠ اورونو کې د ٩ لوبغاړو په سوځېدو ١٦٥ منډې وکړې خو ډمبوله لوبډله د هدف په ترلاسه کولو بريالۍ نه شوه.
د ډمبوله وايکينګ ټوله لوبډله په ۲۰ اور کې د ١٢٨ منډو په جوړولو وسوځېده او د ٣٧ منډو په توپير يې ماتې وخوړه.
جوهانسن چارلس د دې لوبې غوره لوبغاړی ونومول شو.
د يادولو ده چې په لومړۍ نيمه پايلوبه کې د ګال ګلېډيټرز لوبډلې د کولمبو کېنګز لوبډلې ته په ماتې ورکولو سره پايلوبې ته لار پېدا کړې وه.
د سرېلانکا سوداګريز لیګ پايلوبه به د ګال ګلېډيټرز او جافنا سټالينز لوبډلو ترمنځ د دسمبر په ١٦مه سبا چهارشنبه ترسره شي.