تاند(دوشنبه، د قوس ۲۴) ولسمشر غني نن له غرمې مخکې په انګلستان کې د افغانستان سفیر ډاکټر زلمی رسول ته د ستاینې په موخه د غازي وزیر محمد اکبرخان دولتي مډال ورکړ.
ولسمشر غني وویل، پر افغانستان د پخواني شوروي اتحاد له برید وروسته د هیواد ستونزو حل لپاره د لويي جرګې جوړول چې د بُن جرګې د جوړیدو لامل شوه او دغه هڅې په اساسي ډول د بُن کنفرانس لپاره اسانتیاوې برابرې کړې، په دې ټولو کې د ډاکټر زلمي رسول رول څرګند و.
دغه راز غني وویل، له ځوانۍ د ډاکټر زلمي رسول هڅې او خدمتونه په افغانستان کې د آزادۍ او د سیاسي نهضت رامنځته کولو په موخه وې، تر څو افغانستان د ډیموکراسۍ له لارې سیاسي ثبات ته ورسیږي.