تاند ( یک شنبه، د قوس ۲۳) د کونر ولایت چارواکي وایي چې د مناګي برېښنا بند د بشپړولو چارې په چټکۍ روانې دي.
د یاد ولایت والي محمد اقبال سعيد زیاتوي تازه وسره د افغانستان د برېښنا شرکت هم ژمنه کړې چې په دې برخه کې به اړينې مرستې ورسره ترسره کړي.
د مناګي برېښنابند د عملي تولید پیل، وارداتي برېښنا د لین غځولو چارو چټکتیا، اسعد اباد برېښنا کوټ د ظرفیت لوړونې او د ښار پاتې سیمو ته د شبکې غځول هغه کارونه دي چې نیمګړي دي او خلک یې د بشپړېدوغوښتنه کوي.
د کونړ والي هم يادې پروژې د ولس سترې هيلې بولي خو وایي ژر به ګټې اخيستنې ته وسپارل شي.
هغه وویل د مناګي برېښنا بند په برخه کې د خلکو زغم پای ته رسېدلی او ژر تر ژره باید ګټې اخیستنې ته وسپارل شي.
په ورته وخت کې د سیمې اوسېدونکو او هغو سوداګرو چې قراردادي شرکت سره یې اجوره پاتې له مسوولینو غواړي چې د دوی حق ور وسپارل شي.
بل لورته د افغانستان د برېښنا شرکت رئیس احمداوود نورزی هم مني چې د مناګي برېښنا بند حیاتي پروژه ده خو ټینګار کوي چې ژر او له قرار داد سره سم به د یادې پروژې په بشپړولو کې مرسته وکړي.
نورزي وویل، د مناګي برېښنابند ټولې چارې بشپړې شوي او ډیر ژر به د کونړ ولسونه یې له برېښنا ګټه واخلي.
د یادونې ده چې د کونړ ولایت د مناګي برېښنا بند د جوړولو پر چارو ۷ کاله تېريږي خو لاهم دا بند نه دی بشپړ شوی.