تاند ( یک شنبه، د قوس ۲۳) د آسټراليا په بېګ باش کورنیو سیالیو پنځمه لوبه کې هوبارټ هريکنز له اډلايډ سټرایکرز سره لوبه ترسره کړه.
د دې لوبې پجه اډلایډ وګټله او هريکنز لوبډلې ته یې د توپوهنې بلنه ورکړه.
هريکنز په ټاکلو ٢٠ اورونو کې د ۵ لوبغاړو په سوځېدو ١٧۴ منډې وکړې او اډلایډ ته یې د ۱۴۷ منډ هدف ورکړ.
په دې پاڼۍ کې ډارسي شارټ په زړه پورې توپوهنه ترسره کړه چې د ۴ شپږيزو او ۶ څلوريزو په مټ يې په ۴٨ توپونو ٧٢ منډې وکړې.
په دوهمه پاڼۍ کې د راشدخان اړوند اډلایډ لوبډله ونه توانېده چې هدف پوره کړي او ټوله لوبډله یې په شلو اورونو کې یواځې د ۱۶۳ منډو په جوړولو بریالۍ شوه.
اډلایډا دا لوبه د ۱۱ منډو په ټوپير وبایلله.
په دې لوبه کې افغان لوبغاړي راشد خان یواځې یو لوبغاړی وسوځوه.
د دې لوبو په نننۍ ۶ مه لوبه کې نن د سډني سيکسرز او ميلبورن رينيګاډز لوبډلې لوبېږي.