تاند(یکشنبه، د قوس ۲۳) د تخار ولایت د کرنې اوبو لګولو او مالدارۍ ریاست وايي، ددې ولایت د شاتو فارم لرونکي سږکال ۸۰ ټنه شات تولید کړي دي.
د کرنۍ او مالدارۍ وزارت څخه په خپره شوې خبرپاڼه کې راغلي، د تخار ولایت د شاتو فارم لرونکي سږکال ۸۰ ټنه شات تولید کړي دي.
خبرپاڼې زیاته کړې ده، د شاتو مچیو روزونکو د اتو ټولنو په اډانه کې د شاتو مچیو ۴۰۰ فارمونه چې د شاتو نه زره صندوقونه په کې دي فعالیت کوي.
د صندوقونو په ډله کې دوه زره نوي صندوقونه هم زیات شوي دي.
د کرنۍ وزارت د خپره شوې خبرپاڼې پر بنسټ، په دې ولایت کې د شاتو د پروسس یوه فابریکه هم فعالیت لري چې د ورځې د ۵۰۰ ټنه شاتو د پروسس وړتیا لري.