تاند (پنجشنبه د قوس ۲۰) د بلخ په شولګرې ولسوالۍ کې د یوې ترافیکي پيښه له امله شپږ کسانو خپل ژوند له لاسه ورکړی دی او نور ټپیان دي.
د شولګرې ځايي چارواکو ویلي، دا پيښه پرون چهارشنبه مازدیګر په حلقه جر سیمه کې رامنځته شوې ده.
د راپورونو له مخې پېښه د یوه بار وړونکي او یوه سراچه ډوله موټرو د ټکر کیدو له امله رامنځته شوې ده.
د چارواکو په وینا د بار وړونکي موټر چلوونکی نیول شوی دی.
باید وویل شي چې له جګړو ور اخوا په افغانستان کې هر کال سلګونه کسان د ترافیکي پېښو له امله خپل ژوند له لاسه ورکوي.
د موټر چلوونکو بې احتیاطي، د لارو خرابوالی او د ترافیکي نښو نشتون، د دې پيښو اصلي عوامل بلل کیږي.