تاند ( یک شنبه، د قوس ۱۶) د پوهنې وزارت مسوولانو ویلي چې د دغه وزارت د نوې طرحې پر بنسټ به له دې وروسته د ټولو ښوونځیو له لومړي تر درېیم ټولګي پورې زده کوونکي خپلې زده کړې په جوماتونو کې کوي.
د یاد وزارت په خبره جوماتونه هم د زده کړو په اېکوسیسټم کې داخل شوي دي.
د پوهنې وزارت وایي، دا کار به د دې لامل شي چې زده کوونکي لا ډېر په اسلامي روحیه سمبال شي.
د پوهنې وزارت مسوولان وایي دوی دا کار په غوره اسلامي روحیه د زده کوونکو د سمبالښت لپاره کړی دی.
تر اوسه روښانه نه ده چې دا سیسټم به څه ډول عملي کېږي خو یاد وزارت څرګنده کړې چې د دې طرحې عملي کولو لپاره یو جامع پلان ته اړتیا ده چې ژر به ترتیب او تطبیق شي.
ځینې نظرخاوندان هم د دې پرېکړې هرکلی کوي او وایي په دې سره به روزنیزه برخه پياوړې او د ښوونځیو د ورانولو او د زده کړو د مخنیوي پلمه پاتې نه شي.
دالقاعدې نصاب رسماٌمعارف ته داخل شو- مبارک دې وی