تاند(چهارشنبه، د قوس ۱۲) په المان کې یوه کس خپل موټر د عامو وګړو پر یوه ډله ور برابر کړی او ۲۰ کسانو ته یې مرګ ژوبله اړولې ده.
د الماني پولیسو په وینا دغه کس ۵۱ کلن دی او په دې پېښه کې یې د یوه ماشوم په ګډون څلور کسه وژلي دي.
په پېښه کې پنځلس کسه نور ټپیان شوي هم دي.
عیني شاهدان وايي چې هغه په قصدي توګه خپل موټر د ګڼې ګوڼې په لور ور برابر کړی او یاده مرګ ژوبله یې اړولې ده.
د المان پولیس وایي دوی د پېښې په اړه پلټنې پيل کړې دي خو ګومان نه کوي چې دا دې یوه ترهګریزه پېښه وي.
په المان، فرانسه او ځینو نورو اروپايي هېوادونو کې وخت ناوخت دغه ډول پېښې رامنځ ته کېږي چې ځینې وخت ترهګریزې هم وي.