تاند (یک شنبه، د قوس ۹) د نیوزیلینډ او ویسټ انډيز کرکټ ملي لوبډلو تر منځ د درېيو شل اوريزو سياليو دوهمه لوبه چې، نن تر سره شوه نیوزيلينډ لوبډلې د ۷۲ منډو په توپير وګټله.
کوربه نيوزيلينډ لومړۍ شل اوريزه لوبه هم ګټلې وه او په دې سره يې سېریز په خپل نوم کړ.
په دې لوبه کې نیوزيلینډ لوبډلې د لوبې پيل وکړ او د درېیو لوبغاړو په زیان يې ویسټ انډيز لوبډلې ته د ۲۳۸ منډو ستر هدف ورکړ.
د نيوزيلينډ له لوري ګلین پيليز ۱۰۸ او ډیون کانوای ۶۵ منډ تر نورو ډېرې منډې جوړې کړې.
په دوهمه پاڼې کې ویسټ انډیز لوبډله د هدف په پوره کولو کې پاتې راغله او د نهو لوبغاړو په سوځيدو يې په پوره شل اورونو کې یوازي ۱۶۶ منډې تر لاسه کړې.
دا لوبه د ۷۲ منډو په توپير نيوزيلينډ وګټله.
د دواړو لوبډلو تر منځ به د دې لوبلړۍ وروستۍ لوبه د نومبر په دېرشمه نيټه ترسره شي.