تاند( شنبه، د قوس ۸) له راشد خان وروسته څلور نور افغان لوبغاړي هم آستراليا ته په بېګ باش کې د لوبېدو لپاره ياد هېواد ته لاړل.
محمد نبي عیسی خېل، نور احمد لکڼوال، ظاهر خان پکتین، او مجیب الرحمن هم هغه لوبغاړي دي چې، اسټرالیا هېواد ته تللي دي.
د آستراليا په کورني ليګ بېګ باش کې نور احمد لکڼوال به د لومړي ځل لپاره په ملبورن لوبډله کې لوبېږي.
په ملبورن کې افغان لوبغاړی محمد نبي هم لوبېږي.
دا ليګ د راتلونکي ډسمبر میاشتې په لسمه نيټه اسټراليا هېواد کې پيلېږي.
له دې وړاندې افغان لوبغاړی راشدخان آرمان هم تللی وو چې هلته د کورونا له امله اوسمهال قرنطين شوی دی.
نوموړی به ۱۴ ورځې په آستراليا کې قرنطين وي.
په نړۍ کې د آي پي آېل ترڅنګ بېګ باش هغه سترې سوداګريزې سیالۍ دي چې، ډېر مینه وال لري او په کې د نړۍ پياوړي لوبغاړي لوبېږي.