تاند( شنبه، د قوس ۸) د انګلستان او سويلې افريقا کرکټ ملي لوبډلو ترمنځ د انګلستان په کوربتوب د درې شل اوريزو سیاليو لومړۍ لوبه کوربه انګلستان لوبډلې وګټله.
په دې لوبه کې لومړی توپ وهنه افريقا لوبډلې وکړه او د ۶ لوبغاړو په سوځېدو يې په ۲۰ اورونو کې سیالې لوبډلې ته د ۱۷۹ منډو هدف ورکړ.
د افريقا لپاره کوينټن ډيکاک ۳۰ او ډوپلیسېس ۵۸ تر ټولو زياتې منډې وکړې.
د انګلستان له لوري آرچر، ټام کرن، کريس جورډن یو یو او سام کرن درې لوبغاړي وسوځول.
کوبه انګلستانۍ لوبډلې د د جونی برېسټو د ۸۶ ناسوځېدلو منډو په مټ ټاکل شوی هدف د لوبې په ۲۰ ام اور کې د پنځو لوبغاړو په زيان تر لاسه کړ.
د دواړو لوبډلو ترمنځ به د سيريز دوهمه لوبه سبا یکشنبه د نومبر په ۲۹مه نيټه تر سره شي.