تاند (جمعه د قوس ۷) د ملي دفاع وزارت وايي، افغان ځواکونو د بادغیس ولایت د آبکمري ولسوالۍ لپاره د طالبانو نومول شوی ولسوال وژلی دی.
د دفاع وزارت په خبرپاڼه کې راغلي، ملا امین الله چې په خادم مشهور وو، تېره شپه هغه مهال له خپلو ۷ ملګرو سره ووژل شو چې ددې ولسوالۍ په ځینو برخو یې د بریدونو پلان درلود.
خبرپاڼه زیاتوي، په دغو عملیاتو کې له افغان هوايي ځواکه هم کار اخیستل شوی.
طالبانو تر اوسه په دې هکله څه نه دي ویلي.