تاند (پنجنشبه د قوس ۶) د تخار ځايي چارواکي وايي، نامعلومو وسله والو په دغه ولایت کې درې کسان وژلي.
د والي ویاند جواد هجري وايي، دغه کسان چهارشنبه ماښام شاوخوا ۰۵:۰۰ بجې د فرخار ولسوالۍ په شینګان سیمه کې د نامعلومو وسله والو په ډزو کې وژل شوي دي.
د نوموړي په خبره په وژل شویو کسان کې یوه امیدواره مېرمن او دوه سړي شامل دي، خو ددې پېښې په اړه یې تر دې ډېر جزیات نه دي ورکړي.
تر اوسه د پېښې علت نه دی روښانه شوی.
د تخار پولیس وايي چې په دې هکله یې پلټنې پیل کړي دي.