تاند (پنج شنبه، د عقرب ۲۹) د بدخشان ولایت سیمه ییز چارواکي وایي چې، طالبانو د دغه ولایت مایمي ولسوالي سقوط کړې ده.
د یادې ولسوالۍ ولسوال کامبیز قرباني ویلي چې، طالبانو نن سهار شاوخوا پنځه بجې د مایمي ولسوالۍ پر مرکز برید وکړ او له څو ساعتونو جګړې وروسته یې ولسوالي په بشپړه توګه تر خپل کنټرول لاندې راوسته.
قرباني، د مایمي ولسوالۍ د سقوط لامل د امنیتي ځواکونو کمښت یاد کړی دی.
هغه منلي چې، په دې جګړه کې امنیتي ځواکونو ته درنه مرګ ژوبله اوښتې ده خو د کره شمېر په اړه یې څه نه دي ویلي.
په ورته وخت کې د بدخشان د ولایتي شورا یو غړي جاوید مجدیدي ویلي چې په دې جګړه کې د مایمي ولسوالي امنیه قومندان او د امنیت امر په ګډون ګڼ امنیتي سرتېري وژل شوي دي.
https://taand.net/%d9%be%d9%87-%d8%ba%d8%b2%d9%86%d9%8a-%db%b1%db%b1-%d8%b3%d8%b1%d8%aa%db%8c%d8%b1%d9%8a-%d9%88%da%98%d9%84-%d8%b4%d9%88%d9%8a-%d8%a7%d9%88-%d8%af%d8%b1%db%90-%d9%86%d9%88%d8%b1-%d8%aa%d8%b3%d9%84/?fbclid=IwAR248KHCDcIH2gJk9Fbgdlx34OkV-O0nRNZ3tqpHspaIDRNbFSGsUy7uqPY