تاند ( دوشنبه، دعقرب ۲۶) د ناسا څلور فضايي څېړونکي د یوې خصوصي کمپنۍ له لوري د جوړې شوې سپوږمکۍ په مرسته فضا ته روان شوي دي.
د امریکایي رسنیو د راپورونو له مخې دغه فضانوردان یک شنبه له فلوریډا ایالت د سپېس اکس خصوصي شرکت د سپوږمکۍ په واسطه فضا ته روان شوي دي.
سرچينه وایي دوی به هلته شپږ میاشتې تېروي.
د سرچینې په خبره دا څلورتنه به هلته له شته فضايي څېړونکو سره ګوري، یوه مخابراتي شبکه به فعالوي او دا به د ځمکې مدار ته د عادي سفرونو د ازمویلو لړۍ وي.
دا دوېم ځل دی چې ناسا د یوې خصوصي کمپنۍ له فضايي بېړۍ په استفادې فضا ته څېړونکي لېږي.