تاند ( پنج شنبه، د عقرب ۲۲) د افغانستان ولسمشر محمد اشرف غني وایي ترڅو چې د ملي شورا غړي او لوړپوړي مقامات خپلې شتمنۍ ثبت نه کړي، د سفرونو اجازه نه ورکوي.

ولسمشرغني دا خبره نن له غرمې وړاندې د اروپایي ټولنې د فساد پر وړاندې مبارزې شپږم کلني کنفرانس کې وکړه.

ارګ وايي، په دغه کنفرانس کې ولسمشر وویل، د دولت د ټولو کارکوونکو بایومتریک بشپړشوی او الکترونیکي تذکره زموږ له لومړیتوبونو څخه ده.

ولسمشر دغه راز زیاته کړې، تر هغې چې د ولسي جرګې او مشرانو جرګې وکیلان او لوړپوړي مقامات خپلې شتمنۍ ثبت نه کړي، د سفرونو اجازه نه ورکوي.

دا په داسې حال کې ده چې د ولسمشر ویاند صدیق صديقي وایي ولسمشر نن د يوه فرمان پر اساس د اداري فساد پر وړاندې د مبارزې يو کميسيون هم منظور کړی دی.

https://taand.net/%d9%88%d9%84%d8%b3%d9%85%d8%b4%d8%b1-%d8%a7%d8%af%d8%a7%d8%b1%d9%8a-%d9%81%d8%b3%d8%a7%d8%af-%d8%b3%d8%b1%d9%87-%d8%af-%d9%85%d8%a8%d8%a7%d8%b1%d8%b2%db%90-%da%a9%d9%85%db%90%d8%b3%d9%8a%d9%88%d9%86/