تاند- سامسونګ کمپنۍ یو نازک هالوګرافیک سکرین اختراع کړی چې د ۳ بعدي ویدیوګانو د لیدو زاویه ۳۰ برابره زیاتوي.
دا یوه ډېره نازکه او نرۍ شیشه ده چې په راتلونکې کې په موبایل کې د هالوګرافیک ویدیوګانو ښکارول اسانه کړي. هالوګرافیک یوه نوې تصویري ټکنالوژي ده چې له یوه شي خپره شوې وړانګه ثبتوي او په درې بُعدي ډول یې ښيي.
هالوګرافیک تصویرونه د ۳ بعدي خلاف کاروونکي (کارن) ته اجازه ورکوي چې حرکت وکړي او له بېلابېلو زایو مختلفې منظرې وویني.
د دې ټکنالوژۍ د انکشاف لپاره څېړونکو د یوې ویدیو د لیدلو لپاره له 4K سکرینونو څخه کار واخیست. په دې ویدیو کې یو لامبوزن کیشپ ښکاري او له بېلابېلو زاویو ښکاري.
تراوسه لا د هالوګرافیک ویدیوګانو لپاره د سامسونګ دا سکرینونه په پراخه پیمانه تولید شوي او بازار ته راوتلي نه دي.
هالوګرافیک ټکنالوژي