تاند (جمعه د عقرب ۱۶) د کورنیو چارو وزارت وايي، پولیسو هغه وسله واله ډله نیولې چې د کابل په ارغندي سیمه کې یې له سوداګریزو بارونو یا محمولو باج اخیسته.
ددې وزارت ویاند طارق ارین وايي، دغه یوولس کسیزه ډله ارغندې دورازې ته نږدې د پولیسو په یو لړ پېچلو عملیاتو کې ونیول شوه.
د یاد وزارت د معلوماتو له مخې، پولیسو دغه کسان له ۷ میله وسلو سره یو ځای نیولي دي.
دا په داسې حال کې ده چې د کابل ښار د امنیت د سمون چارو مسؤلیت د ولسمشر لومړي مرستیال امرالله صالح ته سپارل شوی دی او د جنايي جرمونو پر وړاندې مبارزه د پخوا په پرتله ګړندۍ شوې ده.