تاند (پنجشنبه د عقرب ۱۵) ولسمشر محمد اشرف غنی او لومړۍ مېرمنې رولا غني هغه ډالۍ چې په وروستي سفر کې یې د قطر له امیر څخه تر لاسه کړې وه د افغانستان بانک ته وسپارله.
د ارګ له لوري په خپره شوې خبرپاڼه کې راغلي، چې ښاغلي غني دا ډلۍ مرکزي بانک ته د دولت د خزانې د غني کولو په موخه ورکړې ده.
دغه ډالۍ چې د قطر د دولت له لوري د هیواد لومړۍ مېرمن ته ورکړل شوې وه، نن له غرمې مخکې د افغانستان بانک مسوولینو ته وسپارل شوه.
اشرف غني د قطر د امير ډالۍ ډيره ارزښتناکه وبلله او ويې ويل چې دغه ډالۍ يوه کس ته نه، بلکې د افغان حکومت يوه چارواکي ته ورکړل شوې او بايد دولتي خزانې ته ورکړل شي.
نوموړي زیاته کړه، هغو کسانو ته چې د یوه دولتي چارواکي په توګه ورته دا ډول ډالۍ ورکول کېږي باید د دولت خزانې ته تسلیم کړي.
د یادونې وړ ده چې ولسمشر اشرف غني د روان کال د میزان میاشتې په ۱۴ نېټه قطر او کوېټ ته سفر کړی و. ددغه سفر موخه د افغان سولې برخه کې ددې هېوادونه ملاتړ او د دوه اړخیزو همکاریو پراختیا او پیاوړتیا بلل شوې ده.
When Karzai was given a briefcase full of euros by the Iran government he did not tell any body and deposited in his private account.