تاند (چهارشنبه د عقرب ۱۴) د ولسي جرګې رئیس میر رحمان رحماني وايي، د ولسمشر لومړي مرستیال امرالله صالح د ساتنې لپاره ۳۰۰ تنه ساتونکي ګمارل شوي دي.

ښاغلي رحماني چې نن یې د جرګې په غونډه کې وینا کوله وویل، د ولسمشر لومړی مرستیال د ساتونکو شمېر د کابل پوهنتون تر ساتونکو څو برابره زیات دی.

د رحماني په خبره، سره له دې چې هغه د یوې قوې مشر دی، ولسمشر ۵۰ کسان ورکړي او اوس وايي چې دا شمېر باید ۳۰ تنو ته راکم شي.

د ولسي جرګې رئیس دا څرګندونې وروسته له هغه کړي، چې د دوشنبې په ورځ شاوخوا ۱۱ بجې په کابل پوهنتون برید وشو، چې ۳۵ کسان پکې ووژل شول او تر ۴۰ ډېر نور ټپيان شول.

باید وویل شي چې دې جرګې په خپله نننۍ ناسته کې پرېکړه کړې، چې د ولسمشر د لومړي مرستیال امرالله صالح په ګډون د یو شمېر امنیتي ادارو مسؤلین د وروستیو امنیتي پېښو په اړه ځواب ویلو ته ورغواړي.

https://taand.net/%d9%88%d9%84%d8%b3%d9%8a-%d8%ac%d8%b1%da%ab%db%90-%d8%af-%d8%a7%d9%85%d8%b1%d8%a7%d9%84%d9%84%d9%87-%d8%b5%d8%a7%d9%84%d8%ad-%d8%a7%d9%88-%d8%ad%d9%85%d8%af%d8%a7%d9%84%d9%84%d9%87-%d9%85%d8%ad%d8%a8/

بل خوا د ولسي جرګې کلتوري او د لوړو زده کړو کمیسیون څیړنو ښودلې چې د کابینې د ۸ نوماند وزیرانو او د دوو ریاستونو د نوماندانو اسناد ستونزې لري.

https://taand.net/%d8%af-%d9%85%d8%b9%d8%a7%d8%b1%d9%81-%d8%a7%d9%88-%d9%84%d9%88%da%93-%d8%b2%d8%af%d9%87-%da%a9%da%93%d9%88-%da%a9%d9%85%db%8c%d8%b3%db%8c%d9%88%d9%86-%d9%88%d8%a7%db%8c%d9%8a-%da%86%db%90-%d8%af/

دغه راز د ملي امنیت د ریاست نوماند احمد ضیا سراج او د افغانستان بانک د مشر اجمل احمدي اسنادو کې هم ستونزې لیدل شوي دي.

دغه کمیسیون په پارلماني چارو کې د دولت له وزارته غوښتنه کړې ده چې د یادو کسانو د اسنادو په طی مراحل کې ورسره همکاري وکړي څو دوی په دې اړه خپله وروستۍ پرېکړه اعلان کړي.

میر رحمان رحماني د خپلو خبرو پر دوام ویلي، چې په پارلماني چارو کې د دولت وزارت، د سولې په چارو کې د دولت وزارت، د شهیدانو او معلولینو وزارت او د حوادثو او پېښې په چارو کې د دولت وزارت وزیران دې د رایې اخیستلو لپاره ولسي جرګې ته حاضر شي که نه ددغو وزارتونو بودیجه به لغوه کړي.