تاند(چهارشنبه، د عقرب ۱۴) په افغانستان کې مېشت امریکایي سرتېري هم د پوسټ له لارې د امریکا په ولسمشریزو ټاکنو کې برخه اخلي.
دوی له امریکايي رسنیو سره په خبرو کې ویلي دي چې د رایې اچولو فرصت ورته برابر شوی دی خو ډاډه نه دي چې رایې به یې اغېز ولري.
د دوی په وینا مخکې یې له الکترونیکی لارو رایې ورکولې چې په پایله به یې ډاډه وو، خو اوس د کورونا له لامله رایې په پست کې لېږدول کېږي چې دوی یې د امنیت او خوندیتوب په اړه ډاډمن نه دي.
افغانستان کې میشت امریکایان داسې مهال دا خبره کوي چې، نن په امریکا کې د رایو اچولو بهیر پیل شوی دی.
بل خوا په امریکا کې د ولسمشرۍ ټاکنو د رایو شمیرلو بهیر پیل شوی او په څو لنډو راتلونکو ساعتونو کې ممکن ګټونکی اعلان کړل شي،تر دې دمه شمیرل شویو رایو کې د ډیموکراټ ګوند کاندید جوبایدن تر ولسمشر ټرمپ مخکې دی، خو بیا هم هره شیبه وروستي ارقام د تغیر په حال کې دي.
دا چې څوک بریالی کیږي څو شیبې وروسته به اعلان شي.