تاند ( چهارشنبه، د عقرب ۱۴)  د کابل پوهنتون دروازې نن چهار شنبه یو ځل بیا د محصلانو پر مخ خلاصې شوې.

د تېرې دوشنبې ورځې له برید وروسته د یوې ورځې لپاره کابل پوهنتون دروازې تړل شوې وې خو نن بیرته محصلان او استادان پوهنتون ته راوګرځېدل.

د یاد پوهنتون محصلان وايي، دا بریدونه د افغان نسل د تحصیل مخه نه شي نیولی.

دوی زیاتوي: « دوی به راځي، هر ډول خطر او ګواښ به مني خو د خپل هېواد د روښانه راتلونکي او نیکمرغۍ لپاره به درسونه وايي».

د کابل پر پوهنتون تېره دوشنبه وسله وال برید وشو چې په کې لسګونه محصلانو ته مرګ ژوبله واوښته.

د ياد پوهنتون د برید په غبرګون کې د پکتیا او خوست ولایتونو د پوهنتونو محصلانو هم لاریون کړی وو او د سولې غوښتنه يې کړې وه.

https://taand.net/%d8%af-%d9%be%da%9a%d8%aa%d9%88%d9%86%d8%ae%d9%88%d8%a7-%da%81%d9%88%d8%a7%d9%86%d8%a7%d9%86%d9%88-%d8%af-%d8%b4%d9%85%d8%b9%d9%88-%d9%be%d9%87-%d8%a8%d9%84%d9%88%d9%84%d9%88-%d8%af-%da%a9%d8%a7%d8%a8/