تاند(سه شنبه، دعقرب ۱۳) د کندهار نظامي شورا په يوه اعلاميه کې ويلي، په تېرو ۲۴ ساعتونو کې يې د دې ولایت په ارغنداب، ژېړۍ، پنجوايي او ميوند ولسواليو کي د هوایي او ځمکني بریدونو پرمهال ۷۹ وسله وال طالبان وژلي او ۳۳ نور يې ټپيان کړي دي.
اعلاميه زیاتوي، چې د دې عملياتو پر مهال يې دوه شبکې د ملاشاولي ( شبکه مبارز) او د محمد نبي (شبکه انس) هم له منځه وړي دي.
بل لورته طالبانو تراوسه په دې تړاو څه نه دي ویلي.
افغان چارواکي داسې مهال وسله والو طالبانو ته د درنې مرګ ژوبلې ادعا کوي، چې نن سهار د کندز په امام صیب ولسوالۍ کې د سرحدي ځواکونو پر کنډک ډله ییز وسله وال برید کې د افغان پوځيانو په ګډون لسګونه تنو ته مرګ ژوبله واوښته.
دا برید نن سهار د موټربم برید په وسيله پيل شو او وروسته وسله والو کسانو له افغان ځواکونو سره نښته پيل کړه.
https://taand.net/%da%a9%d9%86%d8%af%d8%b2-%da%a9%db%90-%d8%af-%d8%b3%d8%b1%d8%ad%d8%af%d9%8a-%da%81%d9%88%d8%a7%da%a9%d9%88%d9%86%d9%88-%d9%be%d8%b1-%da%a9%d9%86%da%89%da%a9-%da%89%d9%84%d9%87-%db%8c%db%8c%d8%b2/