تاند ( چهارشنبه، دمیزان ۳۰) په تخار کې د طالبانو د تېرې شپې له خونړي برید ۳۷ جسدونه د تخار ولایت ملکي روغتون ته لېږدول شوي دي.
تېره شپه وسله والو طالبانو د تخار د بهارک ولسوالۍ په مسجد سفید کلي کې د دغه ولایت د امنیت پر آمر او ورسره ملو ساتونکو برید کړی دی.
د تخار عامې روغتیا رئيس سید عبدالله قیوم حیرت وايي چې له دې پېښې ۳۷ جسدونه او اته ټپیان ور وړل شوي دي.
حیرت زیاتوي په مړو کې ۱۰ تنه د ځانګړو ځواکونو سرتیري، ۱۰ تنه د ۹۹۹ قطعې سرتېري او ۱۷ نور يې ملي پولیس دي.
وسله والو طالبانو هم تر اوسه په دې اړه څه نه دي ویلي.
خو ځایي ادارې برید تایید کړی او د تلفاتو په اړه څه نه وایي.
دا خونړی برید داسې مهال کېږي چې ټول افغانان د جګړو د درېدو او سولې د راتګ غوښتنه کوي او نړیواله ټولنه هم د تاوتریخوالي پر کمولو ټینګار کوي.
لعنت دی پر طالبانو شی او بیا پر بی کفایته حکومت چی په دومره امکاناتو سره سره د یو څو جاهلو جګړه مارو مخه نشی نیولای.