تاند ( یک شنبه، د میزان ۲۷) په کابل کې د ښار جوړونې او ځمکو وزارت لسګونو انجینرانو د دغه وزات مخې ته لاریون کړی.
لاریون کوونکي وایي، له تیرو څو میاشتو راپه دې خوا یې تنخوا نه ده اخېستې او مسوول چارواکي یې د ستونزو د حل پرځای ورته خنډونه جوړوي.
دوی زیاتوي، ترهغو چې خپل حق یې نه وي ترلاسه کړی لاریون ته به دوام ورکړي.
لاریونوالو په خپلو لاسونو کې د یاد وزارت پر ضد شعارونه لېږدول چې په کې لیکلي وو: « د ښارجوړونې او ځمکو وزارت ناکامه مدیریت د دې لامل شوی، چې له پوهنې وزارت څخه دغه وزارت ته لېږل شوي انجینران، هرکال د حقوقي تنخوا د ترلاسه کولو پرمهال له ستونزو سره مخ وي.»
بل لورته د ښار جوړونې وزارت مسولانو تراوسه په دې اړه غبرګون نه دی ښودلی.