تاند (سه شنبه د میزان ۲۲) د پیسو نړیوال صندوق په خپل تازه راپور کې د افغانستان وروستي اقتصادي وضیعت ته کتنه کړې او ویلي یې دي چې د بېلا بېلو دلایلو له مخې، سږ کال د دغه هېواد اقتصادي وده منفي څلور وه.
ددې ادارې د راپور له مخې، د جګړې په ګډون یو شمېر نور دلایل ددې باعث شوي چې د دغه هېواد اقتصاد یې له پرمختګ غورځولی او نور هم خراب شوی دی.
خو ددې بنسټ د معلوماتو له مخې راتلونکي کال کې به د افغانستان اقتصادي وده څلور سلنه لوړه شي او په اقتصادي برخه کې به له ۲۰۱۳ کال راهیسې د لومړي ځل لپاره دا هېواد پرمختګ تجربه کړي.
د یادونې وده ده چې یاد صندوق د افغانستان د تورم کچه تر راتلونکي ۲۰۲۱ کال پورې ۴.۸ تخمین کړې ده.