تاند ( یک شنبه، د میزان ۲۰) په ټایلنډ کې یوې ترافیکي پېښې ۴۷ کسانو ته مرګ ژوبله اړولې ده.
د رسنیو د راپورونو له مخې پېښه په پلازمینه بنکاک کې د یوه مسافر وړونکي بس او اورګاډي د ټکر له امله رامنځ ته شوې ده.
راپورونه وایي چې په پېښه کې ۱۷ کسه مړه شوي او ۳۰ نور ژوبل شوي دي.
په ورته مهال د تایلنډ چارواکي بیا وایي پېښه د موټر چلوونکي د بې احتیاطۍ له امله رامنځته شوې ده.
دوی وایي ژوبل کسان یې روغتون ته لېږدولي او درملنه یې دوام لري.
خو د تایلنډ روغتیایي چارواکي بیا په ژوبلو کې د ځينو کسانو حالت نازک ښيي.