تاند (چهارشنبه، د میزان ۱۶) د افغانستان د مالیې وزارت وايي، چې د ۱۳۹۹ مالي کال د تلې میاشتې له لومړۍ نېټې تر ۱۵ مې نېټې ۹ میلیارده ۴۰۷ میلیونه افغانۍ ملي عواید راټول شوي دي.
یاد وزارت زياتوي،چې د راټول شویو عوایدو له دې ډلې ۵۱۵ میلیونه یې له مستوفیتونو، ۲ میلیارده ۲۹۷ میلیونه یې له مالیاتي عوایدو، ۲ میلیارده ۴۷۶ میلیونه یې له غیر مالیاتي عوایدو او ۴ میلیارده ۱۱۹ میلیونه یې له ګمرکونو څخه تر لاسه شوي دي.
مالیې وزارت داسې مهال د عوایدو له زیاتوالي خبر ورکوي چې لاهم د کورونا له امله اقتصادي سیستم په خپل حال نه دی راغلی.
سوداګر شکایت کوي چې اوس هم په ډېرو ستونزمنو حالاتو کې سوداګري کوي.