تاند (چهارشنبه د میزان ۱۶) يوه امنيتي سرچينه چې نه غواړي نوم يې خپور شي رسنیو ته ویلي په زابل ولایت کې یوه نفوذي پولیس خپل ۶ ملګري وېلي دي.
سرچینه وایيو چې دا پېښه تېره شپه د زابل د شهرصفا ولسوالۍ د مانده په امنیتي پوسته کې رامنځ شوې ده.
د سرچنې په خبره هغه نفوذي کس چې د یادې پوستې پنځه ملي پوليس او يو محلي پوليس یې پر ډزو وژلي، خپله له وسلو سره یو ځای له سیمي تښتېدلي.
بل لورته په جنوب کې د ۲۰۵ اتل قول اردو قومنداني وايي له چاودېدونکو توکو ډک موټر کې سپور يو ځانمرګى بريدګر يې هدف ته د رسیدو مخکي ویشتلي او وژلی.
د ۲۰۵ اتل قول اردو قومندانۍ په یوه خپاره کړي بیان کې ویلي چې تیره شپه يوه ځانمرګي بريدګر غوښتل چې د کندهار ولایت د معروف ولسوالۍ اړوندو د سرحدي ځواکونو پر پوسته موټر بم بريد وکړي چې هدف ته د رسیدو مخکې د قول اردو د دریمی سرحدی لیوا ځواکونو په نښه کړي او لمنځه وړي.
د سرچنې په وینا په دغه پیښه کې دوه سرحدي پولیس هم ټپیان شوي دي.
وسله والو طالبانو تر اوسه په دې اړه څه نه دي ويلي.