تاند(سه شنبه، د میزان ۱۵) په سرپل ولایت کې د پولیسو ویاند، نوراغا فیضي تیره شپه رسنیو ته وویل چې طالبان د دوشنبې په ورځ له خپلو وسلو سره یو ځای له دولت سره یو ځای شول.
فیضي زیاته کړه چې دغه ډله تسلیم شویو طالبانو ۱۵۰ میله وسله هم راوړې ده.
د فیضي په وینا، د ګل احمد مرادي په مشرۍ ۱۵۰ کسيزه ډله، چې مخکې د سرپل ولایت د کوهستانت ولسوالۍ په کاشان او اسمیدن سیمو کې د دولت پر ضد فعالیت کاوه، له تاوتریخوالي لاس واخیست او د سرپل امنیه قوماندان شاه مرزا صوفي په شتون کې له دولت سره یوځای شول.
خو وسله والو طالبانو تراوسه په دې اړه څه نه دي ویلي.
د سرپل کوهستانت ولسوالۍ له ۷ کلونو راهیسې د طالبانو تر کنټرول لاندې ده.