تاند(دوشنبه، د میزان ۱۴) د رسنیو د راپورونو له مخې نن سهار هغه مهال د لغمان پر والي چاودنه شوې چې د خپل کاري دفتر پر لور روان و.
لومړنیو جزیاتو کې ویل کېږي چې په چاودنه کې والي رحمت الله یارمل ته کوم زیان نه دی اوښتی خو سیمه کې یوې امنیتي سرچینې تاند ته وویل چې په پیښه کې ۳۶ کسانو ته مرګ ژوبله اوښتې ده چې اته تنه وژل شوې او ۲۸ نور ټپیان دي.
سرچینه زیاتوي چې په دغه برید کې دوه نظامیان وژل شوې او دوه نور ټپیان دي.
بل خوا د لغمان د والي ویاند اسدالله دولتزی وایي چې په دغه برید کې ۲۸ کسانو ته مرګ ژوبله اوښتې ده چې اته تنه وژل شوې او ۲۰ تنه نور ټپیان دي.
لغمان یو له هغه ولایتونو دی چې په دې وروستیو کې د طالبانو د تحرکاتو او ځینو ناامنیو شاهد دی.