تاند(شنبه، د میزان ۱۲) پر کورونا ویروس د ټرمپ تر اخته کېدو وروسته سپینې ماڼۍ ویلي، چې د هغه روغتیایي وضعیت ښه دی، خو سي ان ان بیا د ولسمشر د تنفسي مشکل په اړه راپور ورکړی دی.

سي ان ان د خپل خبریال جیم اکوسټا له قوله ویلي: 《 شېبه وړاندي یې د ټرمپ د انتخاباتي چارو له یو مشاور سره خبرې کړې او هغه ورته ویلي، چې ټرمپ په ډېره سختي ساه اخلي او ستونزه یې جدي ده.》

د ټرمپ مشاور ویلي، هغه اوسمهال د روغتون په بستر کې ستړې ستړې ساه اخلي او وضعیت یې ډېر ښه نه برېښي.

د یادونې ده چې ټرمپ او مېرمن یې ملانیا ټرمپ تېره ورځ په کورونا ویروس اخته او روغتون ته لېږدول شوي دي.